Абдукодир Хусанов "Ситиге" жеңіс сыйлады (ВИДЕО)
08.02.2025, 19:26
Англия кубогының 4-раундында "Манчестер Сити" сырт алаңда 3-дивизиондағы "Лейтон Ориент" клубымен кездесті.
tass.ru
Матчтың 16-минутында Штефан Ортега алаң ортасынан гол жіберіп алды. Джейми Донлидің соққысы "Сити" қақпашысын әбден састырды.
Үзілістен кейін "қалалықтар" сапында тыңнан қосылған ойыншылар мергендік танытты. Әуелі 56-минутта Рико Льюистің алыстан тепкен добы Абдукодир Хусановтың басынан серпіліп, қақпада тулап жатты.
Ал кездесудің соңғы нүктесін 79-минутта Кевин де Брюйне қойды. "Ман Сити" турнирдің 1/8 финалына жолдама алды.