Матч кеш көрсетіле бастады, графика мен комментатор атымен жоқ.
Бүгін Қазақстан Кубогының плей-офф кезеңінің 1/4 финалы аясында «Ертіс» (Павлодар) мен «Шахтер» (Қарағанды) кездесті. Алайда бұл ойынды көргісі келген жанкүйерлер күтпеген қиындықтарға тап болды.
Матч барысында бір гол офсайдқа байланысты есепке алынбады, бірақ трансляцияда бұл туралы ақпарат берілмеді.
Қазақстан футбол федерациясы аталған жағдайға қатысты түсініктеме берді:
"Трансляция Алматыдағы орталық студияда электр қуатының өшуіне байланысты уақытша тоқтатылды. Қазіргі уақытта қалалық қызметтер мәселені шешуге тырысуда. Біз де байланысты қалпына келтіру үшін бар күшімізді салып жатырмыз. Трансляция жақын арада қайта қосылады. Осыған байланысты резервтік канал іске қосылды, бірақ біраз уақыт комментаторсыз көруге тура келеді. Электр энергиясы қалпына келісімен, негізгі каналға ораламыз. Келтірілген қолайсыздықтар үшін кешірім сұраймыз", – деп келтірді Offside.kz ҚФФ мәлімдемесін.
Бұған дейін ҚПЛ-дің бір матчында командалар қар жауып тұрғанына қарамастан, ақ доппен ойнауды жөн көрген. Бұл да көрермендер үшін үлкен проблема тудырған еді.