Футбол клубтары саудаға түседі: Бұл кімге тиімді?
Қазақстанда жеті кәсіби футбол клубы жекешелендіру жоспарына енгізілді.
Тоқаевтың тапсырмасы: клубтар өзін-өзі қаржыландыруы тиіс
ҚР Бәсекелестікті қорғау агенттігінің мәліметінше, жекешелендіруге ұсынылған бұл шешім Мемлекет басшысы Қасым-Жомарт Тоқаевтың тапсырмасымен тығыз байланысты. IV Ұлттық құрылтай барысында Президент облыстық бюджеттерге тәуелділікті азайтып, футбол клубтарының коммерциялануы мен дербес қаржылануын қамтамасыз етудің маңызын атап өткен.
Қай клубтар жекешелендірілуі мүмкін?
Қазір нақты клубтардың атауы жарияланған жоқ. Дегенмен, сарапшылардың айтуынша, бұл тізімге облыстық және қалалық бюджет есебінен қаржыландырылатын клубтар кіруі ықтимал.
Жекешелендіру қалай жүзеге асады?
Қазақстан футбол федерациясының президенті және ҚР Бәсекелестікті қорғау агенттігінің төрағасы Марат Омаровтың айтуынша, арнайы құрылған кәсіпорындар тізімі Жоғарғы реформалар кеңесіне жолданып, кейін жекешелендірудің кешенді жоспарына енгізіледі.
Жоба 2028 жылдың соңына дейін жалғасып, жекешелендіру барысы толық бақылауда болады.