Қазақстан хоккейшілері әлем чемпионатында сенсация жасады (ВИДЕО)
10.05.2025, 17:49
Хоккейден әлем чемпионатының алғашқы турында Қазақстан құрамасы Норвегияны 2:1 есебімен тізе бүктіріп, турнирдің басты сенсацияларының бірін жасады.
instagram/@kazakhstanhockey
Қарсылас — фаворит, нәтиже — Қазақстанның пайдасында
Букмекерлер мен сарапшылар матч фавориті ретінде Норвегия құрамасын көрсеткен еді. Бірақ қазақстандық хоккейшілер мінез көрсетіп, маңызды үш ұпайды еншіледі.
- 1-кезең: Норвегия шабуылы белсенді болып, Йоханнес Йоханнесен есеп ашты,
- 2-кезең: Роман Старченко саны басым сәтте таразы басын теңестірді,
- 3-кезең: Шешуші голды Владимир Волков соғып, Қазақстанға жеңіс сыйлады — 2:1.
Келесі матч: Германияға қарсы
Қазақстан құрамасы екінші кездесуін ертең, 11 мамыр күні Германияға қарсы өткізеді. Ойын Астана уақытымен 19:20-да басталады.