Қазақстан құрамасының қақпашысы АҚШ-та ойнайды
04.06.2025, 12:55
Ұлттық құраманың қақпашысы Максим Павленко Америка хоккей лигасына (АХЛ) ауысып, соңғы 15 жылда осы лигаға өткен алғашқы қазақстандық атанды.
olympic.kz
Қақпашы АҚШ-тың АХЛ-да өнер көрсететін “Уилкс-Барре/Скрантон Пингвинз” клубымен ресми келісімшартқа қол қойды. Бұл команда – NHL-дегі “Питтсбург Пингвинздің” фарм-клубы болып есептеледі.
“Павленконың бұл трансфері – қазақстандық хоккейдің дамуына үлкен серпін беретіні анық. Бұл жай ғана жеке жетістік емес – бүкіл ел үшін тарихи қадам”, – дейді хоккей мамандары.
15 жыл бұрын соңғы рет...
АХЛ-да соңғы рет қазақстандық ойыншы 2009/2010 маусымында ойнаған еді. Шабуылшы Константин Пушкарёв дәл осы клуб сапында өнер көрсеткен.
- 58 матч – 19 (9+10) ұпай
- Плей-оффта – 4 ойын, 2 (1+1) ұпай
Содан бері қазақстандық хоккейшілер бұл деңгейге жете алмай келді.