"Барыс" миллиардтан астам қаражат үнемдеді

Қандай ойыншылармен келісімшарт тоқтатылды?

"Барыс" швециялық қақпашы Юхан Маттссон, қорғаушылар Виктор Антипин мен Илья Хохлов, сондай-ақ шабуылшылар Антон Бурдасов, Станислав Бочаров, Никита Сетдиков және Дамир Жафяровпен келісімшартты ұзартпау туралы шешім қабылдады.

Олардың жалпы келісімшарт сомасы – 216 миллион рубль немесе 1,4 миллиард теңгеге тең.

Ойыншылардың өткен маусымдағы статистикасы

• Юхан Маттссон (33 жас, қақпашы)

9 ойынға қатысып, 86,8% соққыны қайтарды. Қақпа сенімділігі коэффициенті – 4.12.

• Виктор Антипин (32 жас, қорғаушы)

24 матчта 6 (1+5) ұпай жинады.

• Илья Хохлов (30 жас, қорғаушы)

55 кездесуде 7 нәтижелі паспен көзге түсті.

• Антон Бурдасов (34 жас, шабуылшы)

53 матчта 17 (12+5) ұпай жинап, команданың үздік шабуылшыларының бірі болды.

• Станислав Бочаров (33 жас, шабуылшы)

32 ойында 5 (3+2) ұпаймен шектелді.

• Никита Сетдиков (30 жас, шабуылшы)

51 матч нәтижесінде 18 (9+9) ұпай жинады.

• Дамир Жафяров (31 жас, шабуылшы)

27 кездесуде 5 (1+4) ұпай еншіледі.

"Барыстың" бұл шешімі бюджет тиімділігін арттырып, жаңа құрам жасақтауға мүмкіндік ашты. Алда командада жас әрі әлеуетті ойыншыларға орын босайды. Клубтың 2025/26 маусымына қандай жоспарлары бар екені жақын арада белгілі болады.