"Барыс" хоккей клубының шабуылшысы Антон Бурдасовтың командадағы уақыты аяқталып келеді. Ресейлік ойыншының астаналық клубпен келісімшарты 31 мамырда аяқталады.
Сарапшылардың айтуынша, Бурдасовтың келесі маусымды басқа ҚХЛ клубында бастау ықтималдығы жоғары.
Антон Бурдасов – Челябі хоккей мектебінің түлегі. Ол “Барысқа” 2024 жылы келіп қосылған. Шарт бір маусымға ғана жасалды.
34 жастағы шабуылшы 2024/2025 жылғы ҚХЛ-дің тұрақты чемпионатында астаналық клуб үшін 53 ойын өткізіп, 17 (12+5) ұпай жинаған. Бұл көрсеткішпен ол команданың үздік ойыншыларының бірі саналды.
Антон Бурдасов кәсіби мансабын “Трактор” клубында бастаған. Кейінірек ЦСКА, СКА, “Салават Юлаев”, “Авангард” секілді ҚХЛ-дің белді командаларында өнер көрсетті. Құрамына бір маусым бұрын қосылғанына қарамастан “Барыс” жанкүйерлерінің сеніміне ие болған ойыншылардың бірі.
