Ұлттық құраманың қақпашысы Максим Павленко Америка хоккей лигасына (АХЛ) ауысып, соңғы 15 жылда осы лигаға өткен алғашқы қазақстандық атанды.
Қақпашы АҚШ-тың АХЛ-да өнер көрсететін “Уилкс-Барре/Скрантон Пингвинз” клубымен ресми келісімшартқа қол қойды. Бұл команда – NHL-дегі “Питтсбург Пингвинздің” фарм-клубы болып есептеледі.
“Павленконың бұл трансфері – қазақстандық хоккейдің дамуына үлкен серпін беретіні анық. Бұл жай ғана жеке жетістік емес – бүкіл ел үшін тарихи қадам”, – дейді хоккей мамандары.
АХЛ-да соңғы рет қазақстандық ойыншы 2009/2010 маусымында ойнаған еді. Шабуылшы Константин Пушкарёв дәл осы клуб сапында өнер көрсеткен.
Содан бері қазақстандық хоккейшілер бұл деңгейге жете алмай келді.
