Астананың «Барыс» хоккей клубы Құрлықтық хоккей лигасының (ҚХЛ) кезекті кездесуінде өз алаңында Нижнекамскінің «Нефтехимигімен» шеберлік байқасты. Өкінішке қарай елордалық ұжым төртінші рет қатарынан жеңіліс тапты.
Бірінші кезеңде есеп ашылған жоқ. Екінші жиырма минутта қонақтар үш шайба соғып үлгерді, алайда «Барыс» құрамындағы Кирилл Панюков пен Дінмұхамед Қайыржан есеп айырмасын қысқартты.
Үшінші кезеңде «Нефтехимик» басымдығын арттырып, кездесуді 5:2 есебімен аяқтады.
5 қараша күні астаналық клуб өз мұз айдынында «Салават Юлаевты» (Уфа) қабылдайды.