Маманның ойынша, ойыншылардың жиі ереже бұзуы негізгі себептердің бірі.
Қазақстанның бұрынғы мемлекеттік шайбалы хоккей жаттықтырушысы Сергей Шавернев астаналық «Барыстың» Құрлықтық хоккей лигасының тұрақты маусымындағы матчтардағы жеңілістерінің негізгі себебі туралы Sports.kz сайтына пікір білдірді.
— «Барысты» жиі қажетсіз екі минуттық айыптар құртады. Бұл туралы көп айтылып жүр. Бұл жайында Михаил Кравец те баспасөз мәслихаттарында айтады, сарапшылар мен жанкүйерлер де жиі атап өтеді. Дәл осы айыптар ойынның бүкіл құрылымын бұзады. Тәртіп мәселесімен бірдеңе істеу керек. Сонымен қатар ойыншылардың еңбекқорлығын арттыру қажет. Біз бұрын «Барысты» өз алаңындағы сәтті ойыны үшін мақтайтынбыз, бірақ енді үйде де ұпай жоғалтып жатырмыз, — деді маман.
Айта кетейік, бүгін сағат 19:30-да «Барыс» өз алаңында екатеринбургтік «Автомобилистке» қарсы матч өткізеді.