Азиада: Қазақстандық хоккейшілер камбэк жасады (ВИДЕО)
10.02.2025, 11:26
Хоккейден Қазақстан ерлер құрамасы Азия ойындарының топтық кезеңінде соңғы матчын өткізді.
NUR.KZ
Олег Болякин шәкірттері А тобындағы бірінші орынды Оңтүстік Кореямен сарапқа салды.
Корейліктер алғашқы болып есеп ашты. Бірінші кезеңде Кан Юн-Сок мергендік танытты. 1:0 нәтижесі үшінші кезеңге дейін сақталды. Қазақстан құрамасы сапында Артем Лихотников таразы басын теңестірді. Ал кездесу соңында Роман Старченко таблодағы көрсеткішті 2:1-ге жеткізді.
Осылайша Қазақстан құрамасы топтық кезеңді 15 ұпаймен аяқтап бірінші орынға ие болды. Ал Оңтүстік Корея еншісінде 11 ұпай.