Азиада-2025: Ірі жеңілістен айыққан хоккейші қыздар тартысты матч өткізді
13.02.2025, 13:22
Хоккейден Қазақстан әйелдер құрамасы Азия ойындарындағы финалдық кезеңде екінші матчын өткізді.
olympic.kz
Қазақстан кезекті кездесуін жарыс қожайындары Қытай ұлттық құрамасына қарсы өткізді.
Ойынның екінші кезеңінде Надежда Филимонова есеп ашты. Бірақ үшінші кезеңде қытайлық хоккейші Ван Цзясинь таблодағы көрсеткішті теңестірді. Ал матчтың нүктесін Александра Шегай қойды. Қазақстан 2:1 есебімен маңызды жеңіске жетті.
Еске сала кетейік, финалдық кезеңнің алғашқы матчында Қазақстан құрамасы Оңтүстік Кореямен кездесіп, 0:4 есебімен жеңіліс тапқан. Ертең қазақстандық хоккейшілер Жапония құрамасына қарсы ойнайды.