Легионерлерді бюджет есебінен "асырауға" тыйым салынды
Мемлекет басшысы тиісті заңға қол қойды.
Қазақстанда шетелдік спортшыларға ел қазынасынан қаражат бөлуге ресми түрде тыйым салынды. Мемлекет басшысы Қасым-Жомарт Тоқаев бүгін осы мәселеге қатысты заңға қол қойып, ресми түрде бекітті.
Миллиондар енді ауылға кетуі мүмкін
Жаңа заңға сәйкес, бұдан былай легионерлерге бюджет есебінен жалақы төлеуге немесе басқа да қаржылық қолдау көрсетуге рұқсат берілмейді. Мемлекет қаражаты тек Олимпиада, Паралимпиада, халықаралық ресми жарыстар мен ұлттық спорт түрлеріне бағытталады.
Енді қаражат спорт мектептері мен өңірлік инфрақұрылымдарды дамытуға, сондай-ақ жас қазақстандық спортшыларды қолдауға жұмсалмақ.
Айта кетейік, кәсіби спорт клубтарына легионерлерді жалдау үшін бюджеттен тыс көздерден, яғни демеушілер есебінен қаржы табуға тура келеді.