Көк тудың желбірегені: Қазақстанның алғашқы "алтыны" кімге бұйырды? (ФОТО)

Дейзи Джепкемей — 10000 метр қашықтықта Азия чемпионы

Қазақстан намысын қорғаған жеңіл атлет Дейзи Джепкемей 10000 метрге жүгіруде финалды сәтті аяқтап, жарыстың алтын жүлдегері атанды. Спортшы қашықтықты 30 минут 48.44 секунд нәтижесімен бағындырды.

Осылайша Джепкемей чемпионаттағы Қазақстанның медаль қоржынына алғашқы "алтынды" салды. Оның ізін ала мәреге жапониялық Ририка Хиронака (30:56.32) екінші, ал тағы бір жапон спортшысы Микуни Яда (31:12.21) үшінші болып келді.

Қазақстан құрамасының қоржынында екі жүлде

Айта кетейік, бұған дейін Ясмина Тоқсанбаева спорттық жүрістен 20 шақырымға өткен жарыста қола медаль жеңіп алған болатын. Осылайша, ұлттық құраманың еншісінде қазір екі жүлде бар — бір алтын, бір қола.