Қазақстанның спорт аңызы Олимпиадаға дайындықты бастап кетті (ВИДЕО)
03.06.2025, 16:22
2018 жылғы Пхёнчхан Олимпиадасынның қола жүлдегері фристайлшы Юлия Галышева Instagram парақшасында жаңа бейнежазба жариялады. Видеода спортшы спортзалдағы қарқынды жаттығуын көрсеткен.
instagram/@galysheva_yuka
"Фристайлшылардың жазғы маусымы осылай басталады"
Осындай атаумен жарияланған видеода Юлияның жылы аймақта жүргеніне қарамастан спорттық формасын сақтауға ерекше көңіл бөліп жатқаны байқалады. 2019 жылғы могул бойынша әлем чемпионы шын мәнінде жазды бос өткізбейтінін дәлелдеді.
Юлия Галышева қазір 2026 жылы Миланда өтетін қысқы Олимпиада ойындарына дайындалып жатыр. Бұл додада ел намысын қорғауға ниетті спортшы өз бабын жоғалтпау үшін жаттығуын тоқтатпауда.
Жанкүйерлер спортшының дайындығын онлайн бақылап, қолдау білдіріп отыр. Оның мотивациясы жас спортшыларға да үлгі болары анық.