Экс-спорт министрінің бостандыққа ерте шығу туралы өтініші қанағаттандырылмады

Талғат Ермегияев шартты түрде босатудан бас тартылды

Сот отырысы Алматы облысындағы Алатау қаласында өткен. Облыстық соттың баспасөз қызметі хабарлағандай сотталушының өтініші қаралып, ресми түрде кері қайтарылған.

Ермегияев ісі: 14 жылға сотталған

2016 жылы Талғат Ермегияев ұйымдасқан қылмыстық топ құрып, мемлекет қаржысын жымқырды деген айыппен 14 жылға бас бостандығынан айырылған болатын. Сот шешімімен оның мүлкі де тәркіленген.

Тергеу дерегінше, қылмыстық топ «Астана ЭКСПО-2017» ұлттық компаниясынан 10,2 миллиард теңге қаражатты заңсыз иемденген.

Ермегияев кім болған?

Талғат Ермегияев — Қазақстандағы спорт саласының белгілі тұлғаларының бірі. Ол:

• 2012 жылы Қазақстан Республикасының Спорт және дене шынықтыру істері агенттігінің төрағасы қызметін атқарды;
• Кейіннен Туризм және спорт министрі болды;
• «Астана ЭКСПО-2017» ұлттық компаниясының басқарма төрағасы қызметін де иеленген.