Олимпиада жүлдегері найзағай соққысынан қаза тапты

2010 жылғы Ванкувер Олимпиадасының қаһарманы, әйгілі норвегиялық спортшы Эудун Гренвольд қайғылы жағдайда қаза тапты. 

49 жастағы спортшыны жаяу серуен кезінде найзағай соққан. Соның салдарынан ауыр жарақат алып, кейін ауруханада көз жұмған. 

Норвегия спорт қауымдастығы қара жамылды

Норвегия шаңғы спорты федерациясының президенті Тове Мо Дюрхауг спортшының орны толмас екенін айтып, көңіл айтты:

“Эудун фристайл мен тау шаңғысы спортының дамуына өлшеусіз үлес қосты. Спорттық мансабынан кейін де ұлттық құрамада бапкер болып еңбек етті. Бұл бүкіл спорт қауымдастығы үшін орны толмас қайғы”, – деді ол.

Эудун Гренвольд кім еді?

• Алғашқы спорттық жолын тау шаңғысы бойынша бастаған;
• 2004 жылы фристайлға, нақтырақ айтқанда, ски-кросс бағытына ауысты;
• 2007 жылы әлем чемпионатының қола жүлдесін иеленді, сол жылы Әлем кубогында жалпы есепте жеңіске жетті;
• 2010 жылғы Ванкувер Олимпиадасында ски-кросс бойынша қола медаль жеңіп алды;
• Кейін бапкерлік қызметке кірісіп, жастарды тәрбиелеумен айналысты.