Қазақстан жасөспірімдер құрамасы Азия чемпионатында рекорд орнатты

Қазақстан-1 — алтын және рекорд

Ерлер арасында қозғалмалы нысанаға 10 метрлік қашықтықтан аралас жылдам ату сайысында Қазақстанның бірінші құрама командасы жеңімпаз атанды.

Құрама сапында:

• Рамазан Хусаинов
• Шахзода Ирназаров
• Валат Мусаев

Жас қазақстандықтар 1065 ұпай жинап, Азиядағы жаңа жасөспірімдер рекордын жаңартты.

• Күміс – Қазақстан-2 командасына
• Қола – Өзбекстан құрамасына бұйырды.

Айта кетейік, Хусаинов, Ирназаров және Мусаев бұған дейін де жылдам атудан алтын медаль жеңіп алған болатын.

Хусаинов: “Бұл — біздің ең үлкен жетістігіміз”

Жеңістен кейін Рамазан Хусаинов эмоцияларын бөлісті:

“Бұл — мен үшін де, біздің команда үшін де алғашқы Азия чемпионаты. Алғашқы күндері қатты қобалжыдық. Бапкерлер әрдайым кеңес беріп, қолдау көрсетті. Рекорд қойғанымызды да солардан білдік. Бұл біздің спорттағы ең ірі жетістігіміз болып отыр”.

Ересектер де алтыннан құр қалмады

Осыған ұқсас жарыста ересектер арасында да Қазақстан-1 құрамасы топ жарды. Команда мүшелері:

• Асадбек Назиркулев
• Андрей Худяков
• Даниил Яковенко

Шымкенттегі рекордтар легі

Азия чемпионаты барысында жасөспірімдер мен ересектер арасында 10-нан астам әлемдік және азиялық рекордтар жаңарды. Турнир 30 тамызға дейін жалғасады.