Аида Әбікеева, Әбиба Әбужақынова және тағы басқалар арнайы стипендия алады
Халықаралық Олимпиада комитеті Лос-Анджелес–2028 ойындарына дайындалып жатқан 20 қазақстандық спортшыға жеке стипендия тағайындады. Олардың қатарында боксшылар, балуандар, дзюдошылар мен гимнасшылар бар. Бұл қолдау спортшыларға әлемдік аренаның басты додасына сапалы дайындық жасауға мүмкіндік береді.
Стипендия туралы мәлімет
Стипендия иегерлерінің тізімін Қазақстан Ұлттық Олимпиадалық комитетінің баспасөз қызметі жариялады.
Бағдарлама атлеттерге іріктеу кезеңінен өтіп, Олимпиадаға жолдама алу үшін, сондай-ақ жаттығу процесін жоғары деңгейде өткізуге жағдай жасау мақсатында қолға алынған.
Стипендия тек жекелей олимпиадалық спорт түрлерінде бақ сынайтын спортшыларға беріледі.
Негізгі талаптар:
- жоғары нәтижелер көрсетіп, Олимпиадаға іріктелу мүмкіндігі болуы;
- допинг ережелерін бұзбау;
- Олимпиада хартиясына қайшы әрекеттерге жол бермеу.
Қаржы қайда жұмсалады?
ХОК қолдауы аясында бөлінетін қаражат келесі мақсаттарға жұмсалады:
- оқу-жаттығу жиындары мен жеке дайындықтар;
- бапкерлер мен мамандардың еңбекақысы;
- медициналық және ғылыми қолдау;
- сақтандыру шығындары;
- тұру және тамақтану шығындары.
Барлық шығын қатаң есеп берумен қадағаланады.
Стипендия алған қазақстандық спортшылар тізімі
- Аида Әбікеева (бокс)
- Сағындық Тоғамбай (бокс)
- Ғұсман Қырғызбаев (дзюдо)
- Әбиба Әбужақынова (дзюдо)
- Милад Карими (спорттық гимнастика)
- Руслан Курбанов (қылыштасу)
- Исхар Құрбаев (грек-рим күресі)
- Ризабек Айтмұхан (еркін күрес)
- Зейнеп Баянова (әйелдер күресі)
- Мария Бровкова (байдарка мен каноэ есебі)
- Александра Ле (оқ ату)
- Ислам Сәтпаев (оқ ату)
- Әмір Маймұратов (спорттық өрмелеу)
- Батырхан Төлеуғали (таеквондо)
- Алан Құрманғалиев (үстел теннисі)
- Елизавета Матвеева (жеңіл атлетика)
- Әсем Орынбай (стенд ату)
- Сергей Петрович (ауыр атлетика)
- Арай Нұрлыбекова (ауыр атлетика)
- Данил Мұсабаев (батут гимнастикасы)