15 қараша күні «Голден Стэйт Уорриорз» сырт алаңда «Сан-Антонио Сперсті» 109:108 есебімен жеңіп, NBA жанкүйерлеріне нағыз интригаға толы матч сыйлады.
Кездесудің ең нәтижелі ойыншысы — «Уорриорз» лидері Стефен Карри. Ол 49 ұпай жинады. 26 лақтырыстың 16-сын дәл орындады.
Ойын барысында Карри жеке статистикасын ғана емес, NBA тарихындағы ең мықтылардың бірі саналатын Майкл Джорданның да маңызды жетістігін қайталады.
Стефен Карри 30 жасынан кейін 40 және одан да көп ұпай жинаған 44-матчын өткізді. Дәл осындай нәтижеге бұған дейін тек Майкл Джордан қол жеткізген еді.
Осылайша Карри 40+ ұпайлық ойындары бойынша Джорданның рекордын қайталады. Осы көрсеткішке жеткен екі ойыншының бірі атанды.