Қазақстан каратэден әлем чемпионатында күміс медаль алды.
Каратэден Қазақстан құрамасының спортшысы Софья Берульцева Египет астанасы Каирде өткен әлем чемпионатында күміс медаль жеңіп алды.
68 келіден жоғары салмақта финалда Берульцева германиялық Йоханна Кнермен кездесті.
Шешуші кездесуде оның қарсыласы басым түсіп, Софья әлем чемпионатын екінші орынмен аяқтады.
Сондай-ақ Дидар Әмірәлі (67 келіге дейін) мен Әсел Қанай (61 келіге дейін) жүлделі үшінші орыннан көрінді.