Олимпиада-2026: Қазақстандық конькишілер қанша жолдама алды?

Қазақстан делегациясы Милан–Кортина-д’Ампеццо қалаларында өтетін қысқы Олимпиада ойындарына (ОИ-2026) тағы бірнеше жолдама жеңіп алды. Әлем кубогы кезеңдерінің қорытындысы бойынша Қазақстан конькимен жүгіру спортынан төмендегі жолдамаларға ие болды.

Ерлер

• 500 метр — 1 лицензия

Әйелдер

• 500 метр — 2 лицензия
• 1000 метр — 2 лицензия
• 1500 метр — 2 лицензия
• 3000 метр — 2 лицензия
• 5000 метр — 1 лицензия
• Масс-старт — 1 лицензия
• Командалық жарыс — 1 лицензия

Қазақстан Республикасы Туризм және спорт министрлігінің баспасөз қызметінің мәліметінше, нақты спортшылардың есімдері мен Олимпиадаға баратын құрам ұлттық құраманың бас бапкері қабылдайтын шешімнен кейін белгілі болады.

Сонымен қатар, қазақстандық шорт-трек спортшылары 9 олимпиадалық лицензия жеңіп алды. Айта кетейік, Қазақстан құрамасының Олимпиададағы жалпы лицензия саны 2026 жылдың қаңтар айының соңында толық анықталады.

Олимпиада-2026 туралы

XXV қысқы Олимпиада ойындары

• Өтетін уақыты: 6–22 ақпан 2026 жыл
• Өтетін жері: Милан және Кортина-д’Ампеццо (Италия)
• Қатысушылар: 93 елден 3500-ден астам спортшы