Ресейлік балуан Шамиль Мамедов келесі маусымнан бастап Болгария туы астында өнер көрсететінін мәлімдеді.
Спортшы бұл шешімі туралы әлеуметтік желідегі жазбасында мәлімдеп, Болгария тарапы тарапынан көрсетілген сенім мен берілген мүмкіндік үшін алғысын білдірді. Оның айтуынша, жаңа құрамда өнер көрсету — үлкен жауапкершілік, сондықтан ол бар күш-жігерін салып, артылған үмітті толық ақтауға тырысатынын атап өтті.
Сондай-ақ Шамиль Мамедов Ресейдің спорттық күрес федерациясына, бапкерлер штабына және жылдар бойы бірге жаттығып, иық тірестіре еңбек еткен командаластарына ерекше ризашылығын жеткізді. Спортшы бұл кезеңнің оның кәсіби қалыптасуында маңызды рөл атқарғанын, мол тәжірибе мен өзіне деген сенім сыйлағанын айтты.
24 жастағы Шамиль Мамедов — еркін күрестен Ресейдің 2023 және 2024 жылдардағы чемпионы, 2023 жылғы әлем чемпионатының қола жүлдегері, сондай-ақ беделді Иван Ярыгин кубогының екі дүркін жеңімпазы. Ол әлемдік аренада өзін дәлелдеген, әлеуеті жоғары балуан ретінде танымал.