Олимпиада-2026: Қазақстандық шаңғышы үздіктер қатарына іліге алмады

Қазақстандық спортшы Шыңғыс Рақпаров Миланда (Италия) өтіп жатқан қысқы Олимпиада ойындарында сәтсіз өнер көрсетті.

Шаңғы қоссайысы бойынша жарыста ол трамплиннен секіру кезеңінде 87.9 ұпай жинап, 35-орынға тұрақтады.

Бұл сында үздік үштікке енген спортшылар:

• Кристян Ильвес (Эстония) – 132.6 ұпай;
• Томас Реттенеггер (Австрия) – 128.9 ұпай;
• Ямамото Рёта (Жапония) – 127.8 ұпай.

Айта кетейік, шаңғы қоссайысы трамплиннен секіру мен шаңғы жарысын біріктіреді. Қорытынды нәтиже екі кезеңдегі көрсеткіштердің қосындысы бойынша анықталады.

Шыңғыс Рақпаров Норвегияда жаттығып, сонда тұрады. Спортшы Алматы қаласының тумасы.