Олимпиада-2026: Қазақстанның үш үміті финалға шықты

Екінші іріктеу: үш қазақстандық та топ-10-ға кірді

Финалдық кезеңге жолдама алу үшін спортшыларға іріктеуде үздік ондыққа ену қажет болды. Екінші квалификацияда ең жоғары нәтижені Юлия Галышева көрсетті: 73.08 ұпаймен 5-орын алды.

Қалған қос спортшы да талаптан сүрінген жоқ:

• Анастасия Городко — 71.52 ұпай, 7-орын;
• Аяулым Әміренова — 68.98 ұпай, 10-орын.

Осылайша Қазақстаннан үш могулшы финалға өтті және жүлде үшін таласады.

Бірінші квалификацияда жағдай қалай болды?

Айта кетейік, 10 ақпанда өткен алғашқы іріктеуде қазақстандықтар бірден финалға өте алмады:

• Городко — 12-орын,
• Галышева — 14-орын,
• Әміренова — 20-орын.

Әйелдер арасында фристайл-могул бағдарламасындағы бірінші және екінші финал 11 ақпанда өтеді. Басталу уақыты — 18:15 (Қазақстан уақытымен).