Геннадий Головкин тарихи турнирге қатысып, сый алды (ФОТО)
Бакуде алғаш рет AIGA лигасы мен United World Wrestling (UWW) ұйымының бірлескен турнирі ұйымдастырылды. Шара аясында екі тарап ұзақмерзімді ынтымақтастық туралы келісімге қол қойып, стратегиялық әріптестік орнатты.
World Boxing ұйымының президенті әрі Қазақстан Ұлттық Олимпиада комитетінің (ҰОК) басшысы Геннадий Головкин Әзербайжан астанасы Бакуде өткен грэпплингтен тарихи турнирге қатысты.
AIGA мен UWW арасындағы жаңа кезең
Бакуде алғаш рет AIGA лигасы мен United World Wrestling (UWW) ұйымының бірлескен турнирі ұйымдастырылды. Шара аясында екі тарап ұзақмерзімді ынтымақтастық туралы келісімге қол қойып, стратегиялық әріптестік орнатты.
Айтулы шараның ашылу салтанатында Геннадий Головкин құттықтау сөз сөйлеп, одан кейін отандасымызға осы елдің символы – әзербайжан кілемі табысталды.
Бұл сәттің фотосын волейболшы Сәбина Алтынбекова өзінің Instagram парақшасында жариялады.
Қазақстан ауыр атлетика федерациясының президенті Гаджи Гаджиев бұл оқиғаның маңызын атап өтті:
"Бүгін Бакуде әлемдік грэпплинг үшін тарихи оқиға өтті. AIGA мен United World Wrestling ұйымдары бірлескен алғашқы турнирді өткізді және ұзақ мерзімді әріптестікке қол қойды. Біз грэпплинг болашақта Олимпиада және құрлықтық ойындардың бағдарламасына енетініне сенеміз. AIGA турнирлері оның әлем бойынша дамуына үлкен серпін береді. Бүгін тарихта маңызды қадам жасалды. Грэпплингтің болашағы дәл қазір басталады", – деді ол.
Головкиннің қатысуы
Геннадий Головкин турнирге арнайы келіп, халықаралық спорт қауымдастығы өкілдерімен кездесті. Жуырда ғана отандасымыз Италияда өтіп жатқан Олимпиада ойындарына барып, қазақстандық спортшыларға қолдау білдірген еді.