Қазақстан джиу-джитсудан бір күнде екі медаль жеңіп алды
Қазақстан құрамасы Жапонияның Айти мен Нагоясында өтіп жатқан 2026 жылғы Азия ойындарында джиу-джитсудан жүлде қорын толықтырды.
Мерей Қабдоллаев 85 келіге дейінгі салмақта күміс медаль иеленсе, Мариан Журавлева 63 келіде қола жүлдеге қол жеткізді.
85 келіге дейінгі салмақ дәрежесінің финалында Мерей Қабдоллаев Сауд Арабиясының өкілі Абдулла Тарик Надамен кездесті.
Шешуші белдесу 7:0 есебімен саудиялық спортшының пайдасына аяқталды.
Қазақстандық спортшы бұған дейін жартылай финалда Қырғызстан өкілі Абдурахман Муртазалиевті жеңіп, финалға шыққан еді.
Мариан Журавлеваның жолы
Қазақстан құрамасының тағы бір өкілі Мариан Журавлева 63 келіге дейінгі салмақта қола медаль үшін белдесті.
Шешуші кездесуде ол Иордания спортшысы Майеи Исхакатты 2:0 есебімен жеңіп, Азия ойындарының қола жүлдегері атанды.
Журавлева ширек финалда жеңілгеннен кейін жұбаныш белдесуіне қатысып, Вьетнам өкілі Тхи Мин Вуонг Нгуеннен басым түскен болатын.
Айта кетейік, Мерей Қабдоллаевтың күмісінен кейін Қазақстан қоржынында 12 алтын, 22 күміс және 44 қола болған. Бұдан соң Журавлеваның қола жүлдесі де ұлттық құраманың есебіне қосылды.
2026 жылғы Азия ойындары **4 қазанда** аяқталады.