Көшпенділер ойындары ЮНЕСКО-ның мәдени мұралары тізіміне енді
16.09.2024, 18:39
Бұл туралы ЮНЕСКО Бас конференциясы 42-ші сессиясының төрайымы Симона Мирела Микулеску хабарлады.
Aikyn.kz
Дүниежүзілік көшпенділер ойындары бұдан былай ЮНЕСКО-ның материалдық емес мәдени мұраларының бірі саналады.
«Дүниежүзілік көшпенділер ойындары — нағыз ұлттық құндылықты сипаттайтын керемет шара. Сондықтан да ЮНЕСКО-ның материалдық емес мәдени мұраларының тізіміне енді. Бұл — мереке. Сондықтан барлық ұйымдастырушылар мен қазақ халқын құттықтаймын», - деді Симона Мирела Микулеску.
Айта кетейік, 8-13 қыркүйек күндері Астанада өткен көшпенділер ойындарына 90-ға жуық мемлекеттен 2500-ден астам спортшы қатысты. Спортшылар 21 спорт түрінен бақ сынасып, 97 медаль жиынтығын сарапқа салды.