Футзалдан ел құрамасы мерзімінен бұрын плей-офф кезеңіне шықты
1/8 финалға әр топтан үздік екі команда тікелей жолдама алады.
Өзбекстанда футзалдан өтіп жатқан әлем чемпионатының топтық кезеңінің екінші туры аяқталды. Оның қорытындысы бойынша Қазақстан құрамасы мерзімінен бұрын плей-офф кезеңіне шықты.
Қазіргі таңда 1/8 финалға Қазақстаннан бөлек, Аргентина, Бразилия, Иран, Испания, Марокко, Парагвай, Португалия (чемпион), Таиланд пен Франция командалары шықты.
Қазақстан құрамасы топтың кезеңнің алғашқы ойынында Испаниямен кездесіп, 1:1 есебімен тең тарқасты. Ал кеше Ливияға қарсы ойнап, 1:4 есебімен жеңіске жетті. Енді 21 қыркүйек күні ел құрамасы Жаңа Зеландиямен соңғы ойынын өткізеді. Бұл ойын Астана уақыты бойынша 17:20-да басталады.
Айта кетейік, біріншілік ережесіне сәйкес, плей-оффқа әр төрттіктен алғашқы екі команда өтеді. Сонымен қатар, үштікке енгендер арасында үздік көрсеткішке ие болған төрт команда жолдама алады.