УЕФА-ның экс-президенті футболға бұрын-соңды болмаған өзгеріс енгізуді ұсынды

Еуропалық футбол қауымдастықтары одағының (УЕФА) бұрынғы басшысы Мишель Платини футболдың тартымдылығын одан әрі жақсарту үшін ойын ережесіне реформа енгізу қажет деп санайды. 

Платинидің пікірінше, алаңға шығатын футболшылар санын 1 адамға қысқарту керек дейді. Яғни командалар 10×10 форматында өнер көрсетуі керек. 

«Өткен ғасырда біз 11 адам болып доп тебетінбіз. Ол кезде ойыншылар қазіргіден аз жүгіретін. Күш-қуаты қазіргі футболшылардікіндей емес еді. Сондықтан алаңға шығатын аяқдопшылардың санын қысқартқан дұрыс шығар. Бұл бос кеңістіктердің пайда болуына әкеледі», — деді Платини.