Қазақстандық мәнерлеп сырғанаушы Түркия атынан өнер көрсетпек
20.09.2024, 19:33
18 жастағы спортшы Данил Пак осындай шешім қабылдады.
sportplustv.kz
Данил Пак жаңа маусымнан бастап мәнерлеп сырғанаудың мұздағы би түрінен халықаралық турнирлерде Түркия намысын қорғайды.
Қазір жерлесіміз Түркия мәнерлеп сырғанаушысы Ырмак Юджельмен жұптасып өнер көрсетеді. Бүгін Анкарада юниорлар арасында өтіп жатқан ISU Гран-приінде аталған дуэттің дебюті өтті.
Жарыс қорытындысы бойынша жұп 49,91 ұпай жинап, 9-шы орынға жайғасты.
Енді Пак пен Юджель Словенияда өтетін Гран-при турнирінде өнер көрсетеді.