Кениялық легионер Франциядағы жартылай марафонда топ жарды

Жеңіл атлетикадан Қазақстан командасының өкілі Дэйзи Джепкемей Францияның Бельфор қаласында өтіп жатқан жартылай марафонда жеңіске жетті.  

Спортшы белгіленген межені 1 минут 07:54 секундта жүгіріп өтті. Ал угандалық Аннет Челангат мәре сызығын 01:09:58 секундта кесіп өтіп, екінші орын иеленді. Эфиопиялық Меселу Кахсай болса, 01:10:18 секундтық нәтижемен қола жүлдеге қол жеткізді.

Айта кетейік, Дэйзи Джепкемей Париж Олимпиадасында 3000 метрге кедергілермен жүгіруден сынға түсіп, финалдық кезеңге шыға алмаған еді. Ал 10 000 метрге жүгіруде 17-ші болып келген болатын.