ӘЧ-2025: Футзалдан Қазақстан құрамасы Польшадан ойсырай жеңілді
19.10.2024, 19:15
2025 жылғы әлем чемпионатының іріктеу кезеңінің екінші матчында жауапсыз жеті гол соғылды.
vesti.kz
Бүгін футзалдан Қазақстанның әйелдер құрамасы 2025 жылғы әлем чемпионатының іріктеу кезеңі аясында Польшамен кездесті. Астанада өткен ойында қонақ команда ірі есеппен жеңіске жетті. Қорытынды есеп 0:7.
Естеріңізде болса, 17-ші қазанда қазақстандық бұрымдылар 2025 жылғы әлем чемпионатының іріктеу кезеңінің алғашқы матчында Нидерланд құрамасынан 0:6 есебімен ұтылды.
Айта кетейік, 2025 жылғы әйелдер арасындағы футзалдан әлем чемпионаты 21 қараша мен 7 желтоқсан аралығында Филиппин елінде өтеді.