Атақты спортшының ұлы әйелін сабаған
Су добынан қазақтың даңқты спортшысы Асқар Оразалиновтың ұлына әйелін ұрды деген айып тағылды.
Су добынан қазақтың атақты спортшысы Асқар Оразалиновтың ұлы, өзі де су добынан спорт шебері Алан Оразалиновқа әйелін ұрды деген айып тағылды. Алматы қаласының тұрғыны Мәдина Әуесхан күйеуінен жәбір көргенін хабарлады.
Мәдина орташа дәрежедегі дене жарақатын алыпты. Осыған байланысты Бостандық ауданы әкімшілігінде қылмыстық іс қозғалды. Жәбірленуші тарап тергеуші Руслан Дәулетов алты ай бойы ештеңе істемегенін, себебі спортшылардың түрмеге түсуіне рұқсат жоқ деп отырғанын жеткізді.
Айта кетейік, Асқар Оразалинов - су добынан халықаралық деңгейдегі спорт шебері, Қазақстанға еңбегі сіңген спорт шебері, Қазақстанға еңбегі сіңген жаттықтырушы. 1985 жылы ересектер арасында Еуропа чемпионатында топ жарды. Сондай-ақ үш рет Азия ойындарында жеңіске жеткен.