«Астана» шетелдік ойыншысымен қош айтысты
02.11.2024, 10:48
Ол клуб үшін небәрі 6 ойын өткізген.
pbcastana.kz
Баскетболдан «Астана» клубы америкалық форвард Джеймс Мюррей-Бойлспен келісімшартты тоқтатқанын жариялады. Ол екі тараптың келісімімен бұзылды.
Мюррей-Бойлс осы жылдың тамыз айында «Астана» сапына қосылып, ВТБ Бірыңғай лигасында алты матч өткізген. Орташа есеппен ойын сайын ол 4,8 ұпай, 3,5 рет допты өз командасына қайтару және 0,8 нәтижелі пас жасаған.
Өткен маусымда форвард Германияның «Крайльсхайм» командасында ойнап, әр матчта орташа 11,4 ұпай жинап, 4,9 рет допты қайтарып, 1,4 пас берген еді.