"Қайрат" Чемпиондар лигасын жеңіспен бастады
Қазақстандық екі клуб қазір ЧЛ-дың элиталық кезеңінде өнер көрсетіп жатыр.
"Қайрат" пен "Семей" Чемпиондар лигасының элиталық кезеңіндегі алғашқы матчтарын өткізді. Алматылык клуб бірінші ойында франциялық командадан 4:2 есебімен басым түсті. Б тобында сонымен қатар Хорватияның «Олмиссум» және «Динамо» командалары бар. Яғни, "Қайрат" енді бүгін "Олмиссумпен", араға бірер күн салып "Динамомен" кездеседі. Бұл топтың ойындары Загреб қаласында өтіп жатыр.
Ал, «Семей» командасы болса «Д» тобында өнер көрсетеді. Өзінің алғашқы матчында испаниялық "Пальмамен" жолықты. Кездесу 1:4 есебімен аяқталды. Абай облысының ұжымы енді польшаның «Рекордымен» және словакияның «Мимел Лученец» командасымен ойнайды. Д тобының матчтары Испанияның Мальорка қаласында өтеді.
Айта кетейік, финалдық кезеңге әр топтың жеңімпаздары ғана жолдама алады.