Черчесов қазақ тілі жайлы: Тіл үйренуге уақыт жоқ

Футболдан Қазақстан құрамасының бас бапкері Станислав Черчесов қазақ тілін үйренуге қатысты пікір білдірді. Ресейлік маман бұл туралы "Спорт Экспресске" берген сұхбатында айтты. 

"Егер сіз мәдениеті бөлек басқа елде болсаңыз, онда кем дегенде негізгі сөз тіркестерін білуіңіз керек. Мен қайда жұмыс істесем де, оны міндетті түрде зерттедім. Бұл қалыпты жағдай. Әрине, мен киім ауыстыратын бөлмеде қазақша дәріс оқи алмаймын. Бірақ амандасып, адамның хал-жағдайын сұрай аламын. Қазір қазақ тілін үйренуге уақыт таба алмай жүрмін. Ойыншылар немесе команда қызметкерлері өзара сөйлескенде олардан сөздердің мағынасын сұраймын", - деді Черчесов.

Ресейлік маман Қазақстан ұлттық құрамасын 2024 жылдың шілде айында басқарды.