Қазақстандық бұрымдылар World Tour рейтингінде үздік бестікте
09.12.2024, 19:01
Оған Қытайда өткен жарыста әйелдер құрамасының қола медаль еншілеуі себеп болды.
olympic.kz
Қытай астанасы Бейжіңде шорт-тректен World Tour сериясының кезеңі аяқталды. Қазақстанның әйелдер құрамасы бұл жарыста үшінші орын алды. Бұл туралы Olympic.kz хабарлады.
Ольга Тихонова, Яна Хан, Малика Ермек және Алина Әжіғалиева эстафетада қола медаль еншіледі.
Осының арқасында әйелдер құрамасы World Tour рейтингінде сегізінші орыннан бесінші орынға көтерілді. Қазір Қазақстан құрамасының еншісінде 142 ұпай бар.
Айта кетейік, рейтингте 260 ұпаймен Канада көш бастап тұр.