Атақты Роналдо Бразилия футбол Федерациясын басқаруға ниетті
17.12.2024, 15:36
Мадридтік "Реалдың" экс-шабуылшысы, Бразилия құрамасы сапында екі дүркін әлем чемпионы Роналдо Луис Назарио де Лима Бразилия футбол Федерациясының (CBF) президенттігіне үміткер боп тіркелді.
rsport.ria.ru
Бул туралы франциялық RMC Sport басылымы жазады. Роналдо сұхбатта мұндай мотивацияға не себеп болғанын айтып берді.
"Менде жүздеген мотивация бар. Бірақ ең негізгісі — әлемдік деңгейде бразилиялық футболға деген құрметті қайтару", —деді атақты Роналдо.
Роналдо өз мансабында "Реал", "Интер", "Барселона", "ПСВ Эйндховен" және "Милан" қатарында доп тепті. Басты жетістіктері төмендегідей:
- Екі дүркін әлем чемпионы (1994, 2002).
- Әлемнің вице-чемпионы (1998).
- Америка Кубогының екі дүркін иегері (1997, 1999).
- "Алтын доптың" екі дүркін иегері (1997, 2002).
- 2002 жылғы ӘЧ "Алтын бутсы" иегері.
Роналдо кәсіби мансабын 2011 жылы бразилиялық "Коринтианс" сапында аяқтады.