Ризабек Айтмұхан Тараздағы халықаралық турнирде сүрінді
20.12.2024, 19:19
Таразда мемлекет және қоғам қайраткері Д. Қонаевты еске алуға арналған еркін күрестен халықаралық турнир басталды.
almaty.tv
Турнирге Қазақстан, АҚШ, Қырғызстан, Австралия, Бразилия, Өзбекстан, Ресей, Моңғолия және Қытай спортшылары қатысып жатыр.
Бірінші күні 57 келі, 65 келі, 74 келі, 86 келі және 97 келіде жүлделер сарапқа салынды. Ұлттық құраманың көшбасшыларының бірі – Ризабек Айтмұхан сенсациялық жеңіліске тап болды. Ол жартылай финалда америкалық Джонатан Айеллоға 9:12 есебімен есе жіберді.
Аталған салмақтардағы финалдық белдесулер 21 желтоқсанда өтеді. Ал 22 желтоқсанда 61, 70, 79, 92 және 125 келі салмақ дәрежелерінде жеңімпаздар мен жүлдегерлер анықталады.