Футзалдан Қазақстан құрамасының экс-бас бапкері басқа команданың тізгінін ұстады
26.01.2025, 16:03
"Қайрат" футзал клубы мен Қазақстан құрамасының бұрынғы бас бапкері Какау Біріккен Араб Әмірліктерін жаттықтырады.
Vesti.kz
Көпшілікке Какау есімімен танымал Рикардо Камара Собрал БАЭ бас бапкері боп тағайындалды.
Какау Қазақстаннан кейін Кувейт құрамасымен Батыс Азия чемпионы атанған. Ал 2023 жылдың наурызында ол кезекті жүлде алды. Бразилиялық маман румыниялық "Аутобергамо Дева" ұжымына қысқа мерзімге келіп, Румыния Кубогын жеңіп алды. Одан әрі Ирак құрамасы мен румыниялық "Юнайтед Галатидің" тізгінін ұстады.
Какау 2013-2018 жылдар аралығында Қазақстан мен "Қайраттың" бас бапкері болды. Оның тұсында ұлттық құрама Еуро-2016-ның қола жүлдесіне қол созса, "Қайрат" УЕФА Кубогының екі дүркін иегері атанды (2013, 2015).