Қазақстандық ватерполшылар Азия чемпионатында екінші жеңісіне жетті
26.02.2025, 16:23
Қазақстан әйелдер құрамасы Гонконг командасын айқын басымдықпен ұтты.
kazsports.kz
Су добынан Қазақстан әйелдер құрамасы Азия чемпионатының екінші жарыс күнінде кезекті жеңісіне қол жеткізді. Спортшыларымыз Гонконг құрамасымен кездесіп, 25:6 есебімен сенімді жеңіске жетті.
Турнир жайлы ақпарат
Әйелдер арасындағы Азия чемпионатына 6 команда қатысуда: Қазақстан, Қытай, Жапония, Сингапур, Өзбекстан және Гонконг. Жарыс айналмалы жүйе бойынша өтіп жатыр, яғни әр команда бір-бірімен кездеседі.
Әлем чемпионатына жолдама
Турнир қорытындысы бойынша үздік нәтиже көрсеткен алғашқы екі команда 2025 жылы Сингапурде өтетін әлем чемпионатына қатысу мүмкіндігін иеленеді.