Қазақстан су добынан Азия чемпионатының жартылай финалына шықты
28.02.2025, 19:58
Қытайдың Чжаоцин қаласында өтіп жатқан Азия чемпионатында су добынан ұлттық құрама Оңтүстік Кореяны ойсырата жеңіп, жартылай финалға жолдама алды.
Instagram/@qaz_team_official
1/4 финалда Қазақстан құрамасы Оңтүстік Кореямен кездесіп, 22:9 есебімен айқын басымдықпен жеңіске жетті.
Бұл матч қазақстандық спортшылардың басымдығын көрсетіп, қарсыластарына еш мүмкіндік бермеді.
Қазақстан жартылай финалда Жапония – Гонконг кездесуінің жеңімпазымен ойнайды.