Ватерполшы қыздар Азия чемпионатының қола жүлдегері атанды, бірақ әлем біріншілігіне бара алмайды
02.03.2025, 12:12
Қытайдың Чжаоцин қаласында өткен Азия чемпионатында Қазақстан әйелдер құрамасы су добынан қола медаль иеленді.
instagram/@qaz_team_official
Үшінші орын үшін өткен шешуші кездесуде Қазақстан құрамасы Өзбекстанды 13:6 есебімен ойсырата жеңді. Жалпы, қазақстандық ватерполшы қыздар турнир барысында бес ойын өткізді.
Жеңістер:
- Сингапур – 12:6
- Гонконг – 25:6
- Өзбекстан – 13:6
Жеңілістер:
- Қытай – 6:21
- Жапония – 7:26
Қазақстан құрамасы Азия чемпионатының қола жүлдегері атанғанымен, бұл нәтиже әлем біріншілігіне жолдама алуға жеткіліксіз болды.
2025 жылы тамыз айында Сингапурде өтетін әлем чемпионатына Қытай мен Жапония жолдама алды. Олар бүгін өзара Азия чемпионы атағын сарапқа салады.