Олимпиада чемпионы Иман Хелиф: "Анам күнде ауруханаға баруға мәжбүр болды"
2024 жылғы Париж Олимпиадасының әйелдер арасындағы бокстан алтын жүлдегері, алжирлік Иман Хелиф Олимпиада кезіндегі қоғамдық сынның салдары туралы ашық айтты. Бұл жағдай тек өзінің ғана емес, бүкіл отбасының психологиясына ауыр әсер еткен.
Париждегі Олимпиададағы даудан кейін алжирлік боксшы отбасына түскен қысым туралы айтты
“Әрине, бұл жағдай менің де, отбасымның да жағдайына кері әсер етті. Мысалы, анам күн сайын дерлік ауруханаға баруға мәжбүр болды. Басқа туыстарыма да бұл оңай тиген жоқ. Тіпті барлық Алжир халқы бұл қысымды аз да болса сезінді. Мұның бәрі менің жан дүниеме де, отбасыма да әсер етті”, — деді Иман Хелиф ITV арнасына берген сұхбатында.
2024 жылдың соңында француз журналисі Джаффар Айт Аудиа Иман Хелифке қатысты гендерлік тексеру нәтижелерін жариялады. Ол мәліметке сәйкес, Хелиф 2023 жылы медициналық сараптамадан өткен.
Мәліметтерге сәйкес, спортшының ағзасынан тестикула (ұрық безі) және микропенис анықталған.
Бұл жағдай қоғамда үлкен резонанс тудырып, әлеуметтік желілер мен БАҚ беттерінде қатты сынға ұшырады.