Қазақстанның үздік волейболшы қызы Сербия чемпионатының жартылай финалына өтті
04.04.2025, 06:22
Сербия волейбол чемпионатының плей-офф кезеңінде Қазақстанның үздік волейболшысы Сана Анарқұлова өнер көрсететін "Уб" клубы ширек финалда "Стара Пазова" командасымен кездесті.
Instagram/@sana_anarkulova_fc
Тартысты матч "Уб" клубының айқын жеңісімен аяқталды — 3:0 (25:22, 25:21, 25:19). Осылайша қазақстандық спортшының командасы жартылай финалға жолдама алды.
Сана Анарқұлова — Қазақстан волейболының аңызына айналған есімдердің бірі. Оның спорттағы басты жетістіктері мыналар:
- Қазақстан чемпионатының 8 дүркін жеңімпазы;
- 2021 жылғы клубтар арасындағы Азия чемпионатының жеңімпазы;
- 2010 жылғы Азия ойындарының қола жүлдегері.
Сана қазір Еуропада ойнап жүрген ең танымал қазақ волейболшысы саналады. Оның тәжірибесі мен ойыны Сербия біріншілігінде де жоғары бағаға ие.