Олимпиада жүлдегері фотосессиясымен жанкүйерлерді есінен тандырды
Спортшының ашық образдағы суреттері әлеуметтік желіні жарды.
Канада атынан өнер көрсететін 31 жастағы сырықпен секіруші Алиша Ньюман Париж Олимпиадасында алған қола медальдан кейін спорттан бөлек, модельдік қабілетімен де кеңінен танылып жүр. Танылғаны соншалық соңғы фотосессиясында спортшының батыл образы жанкүйерлер арасында үлкен талқыға түсті.
Олимпиаданың қола жүлдегері жақында Instagram парақшасында жаңа суреттер жариялады. Кадрларда Ньюман үстіне тек пиджак қана киіп, сән әлеміне өзін жақын қырын көрсетті.
Жанкүйерлер бұл қадамды жылы қабылдап, пікірлерін смайликтер мен от белгісі арқылы білдірді. Қазір оның парақшасына 775 мыңнан астам адам жазылған, бұл спортшының модельдік мансабының қаншалықты танымал болып келе жатқанын дәлелдейді.
Спорттағы басты жетістігі
Алиша Ньюман үшін Олимпиаданың қола медалі – мансабындағы ең үлкен табыс. Бұған дейін ол әлем чемпионаттары мен құрлықтық турнирлерде жүлдеге қол жеткізе алмаған.
Париждегі шешуші секіруінен кейін Ньюман ерекше биімен есте қалған да болатын. Бұл әрекеті әлеуметтік желілерде қызу талқыға да түскен еді: біреулер оның қуанышын шынайы десе, енді бірі мұндай қылық жастарға үлгі емес деп сынға алған болатын.
Ньюман бүгінде өзінің спорттық жолын жалғастырып келеді. Канадалық спортшының айтуынша, Олимпиададағы медаль – тек бастамасы ғана.