Қазақстан құрамасының және «Қайрат» клубының қақпашысы Темірлан Анарбеков жанкүйерлерін таңғалдырды. Ол өзінің сүйіктісін көпшілік алдында көрсетті.
Instagram желісіндегі «Livekaiffff» парақшасында жарияланған бейнежазбада — 2025 жылғы Қазақстан чемпионатының жеңімпаздарын марапаттау сәті бейнеленген. Онда «Қайраттың» қақпашысы Темірлан Анарбеков телефон арқылы сөйлесіп, біреуді күтіп тұрғаны көрінеді.
Біраз уақыт өткен соң қоршаудың жанына қыз келеді. Қақпашы стюарттармен сөйлесіп болғаннан кейін, оны ішке кіргізеді. Көп ұзамай екеуі сахнаға қарай бірге кетіп бара жатқан сәттері объективке ілігеді.
Алматы командасының ең танымал ойыншыларының бірі саналатын Анарбековтың жеке өмірі жайлы жанкүйерлер ештеңе білмейтін. Бұл видео – оның жеке өмірінің алғашқы «жария көрінісі» болып отыр.
Айта кетсек, КПЛ-2025 маусымының соңғы үйдегі ойынында «Қайрат» пен «Астана» 1:1 есебімен тең ойнады. Осы нәтижемен алматылық клуб қатарынан екінші рет Қазақстан Премьер-лигасының чемпионы атанды.