Ағылшын футболының символына айналған Дэвид Бекхэм ресми түрде рыцарь атағын иеленді. Салтанатты рәсім Ұлыбритания патшасы Карл III-нің қатысуымен Виндзор сарайында өтті.
Бекхэм бұл жоғары марапатқа футболдағы жарқын мансабы мен қайырымдылық қызметі үшін ие болды. Енді ол ресми түрде «сэр Дэвид Бекхэм», ал жұбайы Виктория Бекхэм — «леди Виктория» деп аталатын болады.
Салтанатты рәсімнен кейін Дэвид журналистерге әсерлі сұхбат берді. Ол патшамен болған қысқаша әңгімесін ерекше ықыласпен еске алды:
“Иә, мен патшамен сөйлестім. Ол менің киіміме қатты назар аударды. Шынымды айтсам, ол — мен таныған ең талғампаз киінетін ер адам. Көп жылдан бері оның стильдері мені шабыттандырады. Осы жолы да киім таңдауыма ол әсер етті — костюмнің идеясын жұбайым Виктория ойлап тапты. Мен патшаның жас кезіндегі суреттерін қарап отырып: ‘Мен дәл солай киінгім келеді’ деп шештім. Содан кейін Виктория осы бейнені жасап берді”, — деді Бекхэм күлімсіреп.
Дэвид Бекхэм — футбол тарихындағы ең танымал және ықпалды ойыншылардың бірі. Ол өз мансабында әлемнің үздік клубтарында өнер көрсетті:
Бекхэм Англия Премьер-лигасының, Испания Ла Лигасының, Франция Лига 1-дің, МЛС чемпионатының және Чемпиондар лигасының жеңімпазы атанған.