"Киім-кешекті қолмен жуатынмын": Сәбина Алтынбекова тұрмысқа дейінгі өмірін еске алды
Қазақстандағы ең танымал спортшылардың бірі, волейболшы Сәбина Алтынбекова мансабының алғашқы жылдарындағы тұрмыс-тіршілігін айтып, тұрмысқа дейінгі өмірінен естелік бөлісті.
“Құрдастарым қыдырғанда, мен тоқтаусыз еңбек еттім”
29 жастағы спортшының сөзінше, ол сол кезеңде жатақханада тұрып, бар назарын жаттығу мен жеке дамуға бағыттаған. Құрбы-құрдастары серуендеп, еркін уақытын көңілді өткізгенде Сәбина керісінше еңбекке басымдық берген.
Оның айтуынша, өзіне көп нәрсе керек болмаған: дәмді тамақ, жатақханада фильм көру — сол шақтағы қарапайым қуанышы болған.
“Кір жуғыш машина болмады”: қолмен жуған күндер
Сәбина әлеуметтік желідегі жазбасында тұрмыстық қиындықтарды да жасырмай айтты. Жатақханада ол кезде кір жуғыш машина болмағандықтан барлық киімін қолмен жуғанын жеткізді.
Сонымен қатар психология кітаптарын оқыған, өзінде ноутбук болмағандықтан таныс баскетболшыдан ноутбук сұрап пайдаланған. Интернет әлсіз болғандықтан алдын ала жүктелген фильмдерді қайта-қайта көргенін айтты.
Әдемі орындарды тұрмысқа шыққаннан кейін ғана көрді
Алтынбекованың айтуынша, жастық шағы осылай өткен және 24 жасына дейін, яғни тұрмысқа шыққанға дейін осындай өмір салтын ұстанған.
Ол Алматыдағы әдемі орындармен тұрмыс құрғаннан кейін танысқанын, ал түнгі клубқа бірде-бір рет бармағанын және оған қажеттілік көрмейтінін де атап өтті. Бұл — “уақытымды пайдалы өткіземін” деген саналы таңдауы болғанын қосқан.
Сәбина Алтынбекова туралы қысқаша: мансап және жеке өмір
Еске салайық, Сәбина Алтынбекова 2014 жылғы Азияның жастар чемпионатынан кейін кеңінен танылды — сол турнирде оны ең сұлу спортшылардың бірі ретінде жиі атап өткен.
Кейін ол шетелде де ойнады:
- Жапониядағы GSS Sunbeams,
- БАӘ-дегі “Аль-Васл”,
- Индонезиядағы Yogya Falcons клубтары.
2020 жылдың соңында волейболшының тұрмысқа шықғып, дүниеге ұл әкелді. Сәбина 2025 жылы ажырасқанын жариялады. Қазақстанға оралып, қазір “Астана” волейбол клубында өнер көрсетіп жүр.